TANGAZO KWA WADAU WALIO SHINDA MNADA

TANGAZO

Meneja wa Shamba la Miti Sao Hill kwa kushirikiana na Kamati ya Mnada Wa Miti uliofanyika makao makuu ya Shamba Ihefu, Mafinga Siku ya tarehe 07/06/2016 na tarehe 08/06/2016 anawatangazia wadau wote walioshinda katika mnada huo kwamba muda wa kulipia tozo za viunga walivyoshinda umeongezwa hadi siku ya Jumatano tarehe 15/06/2016.

Ikumbukwe mnada ulilenga kuongeza upatikanaji endelevu wa mazao ya misitu Sokoni pamoja na kukusanya mapato ya serikali hivyo ambaye alishinda katika mnada huo na akaacha kulipia tozo bila kutoa taarifa ya sababu ya kushindwa kufanya hivyo, atahesabika kama alikua na nia ya kuvuruga mnada huo na hatua za kisheria zitachukuliwa dhidi yake ikiwa ni pamoja na kuingizwa kwenye orodha ya watu wasiostahili kufanya biashara yoyote kwenye ofisi za misitu na Wakala wa Huduma za Misitu Tanzania kwa ujumla.

MUHIMU:

KABLA YA KUKAMILISHA MALIPO NDUGU MTEJA UNATAKIWA KUFIKA OFISI YA UVUNAJI NA LESENI ILIYOPO MAKAO MAKUU YA SHAMBA LA MITI SAO HILL KUPATA KUTHIBITISHO WA UHALALI WA MALIPO KWENYE AKAUNTI YA SERIKALI.

ATAKAYESIKIA TANGAZO HILI AMTAARIFU MWENZAKE.

IMETOLEWA NA OFISI YA MENEJA WA SHAMBA LA MITI SAO HILL.

14/06/2016